去到今次Support嘅最後一日，唔……今日嘅工作量都OK啦，比起頭兩日已好多，不過Compliant反而覆多左，不過都唔太難攪，可以準時收工。
原本諗住住多晚先返去，但要返去屯門做節，又怕一個人返香港，於是等埋Fhronux六點零一齊走。記得上年係去Ruby Tuesday團年，今就就求其D翡翠小籠包。
呢個星期嘅5天深圳之旅亦結束了，唔豬重有冇機會再上去呢？
今日碧祺姐姐終於見到我咁“忙”頂唔住，去左Ryan哥哥度搵嘢俾我做（唔該哂呀碧祺），終於可以過返一日“充實”嘅生活喇。
放工後Benny，沙律同高比都過左嚟一齊食飯，我同Benny應該好耐無見，佢一見我就過我個頭似叱吒方大同攞獎時個頭（我無睇電視，都唔知咩樣）。
我哋去左「大長今」食韓燒，呢度係唔駛自己燒的，全程有專人服侍，D食物就OK啦，最好味係D牛肉同個雞湯。 走時發生左一件好攪笑（慘）嘅事，因為「大長今」嘅坐位有部份係需要除鞋坐低食，當我哋走時，沙律發現佢對鞋唔見左，原本佢係一對低筒黑色Converse，但現場只係剩返一對高筒黑色Converse。應該係早前其他枱嘅人離開時著錯鞋走左，沙律又唔開心係咁話點算，因為留低個對比佢原身細左一個碼，都明點解D人可以睇都唔睇同著左走人。雖然佢好慘，但我哋個個郤笑到趴地。最後沙律以 09年春夏最潮嘅著法「高筒踩踭」同我哋一齊行去「Cold Stone」食雪糕。
今晚係4日來最早一晚返到Apartment，睇新聞見到有第一間金融機構以原價向雷曼迷債嘅顧客回購債券，睇完覺得雖然有部份嘅人係好慘，但始終當時購買時係你情我願，咁樣都可以以全數攞返錢，佢哋咩責任都唔需要負責，開左一個先例，將來再有同類事情真的不知怎算。
今天真的有點衝動想Auto-in。上班的部份已經可以把它省略掉，午餐去了意粉屋吃午餐算是比較特別的了。
下班後，等埋碧祺後同公公一齊去左唱K，我哋起初一間叫Baby K嘅，一上到去，櫃台無人嘅？！跟住去問水吧D人先知原來佢哋今日食團年飯，D人未返齊，所以無人，問佢幾點開，就答十零分鐘。等左十零分鐘重未有人浦頭，再問一次，又話再等十零分鐘。又再等左十零分鐘後，見到有一班人一嚟到就有人開間房俾佢哋。問佢究竟開門未，條友又答我服務員未返唔知，谷鬼氣決定走人去第二間，真係有冇攪錯，首先你做節又唔喺門口貼張告示，等人上到先話埋人知，跟住又要人等咁＿耐，真係打靶！！
走左後行左去第二間叫做“好樂迪”，好開心唱左好多平時香港無得唱嘅國語歌，我哋唱到12點左右就返屋企Lu。
有多久時間未有喺清晨六時起床返工，雖然係咁，但由於慣左夜瞓，前一晚都要成差不多一時多才上床。幸好早上都能夠準時起身。
約左碧祺姐姐喺羅湖站等然後一齊返工，起初以為公司離地鐵站都要一段距離，原來並唔係。
地王跟地鐵站是連在一起，好方便，好快咁就返到公司。 返左早餐返到公司大概八時半左右，公司已經有很多同事返到，有幾長時間未見過有咁多人咁早，咁一齊返工呢。今次上嚟嘅工作只係作Support呢度D同事，當佢地又唔識時就會過嚟問我。可能佢地實在太犀利喇，成朝早只係得三個人過嚟問我過我嘢，我就一直由0830坐到1300等放飯。食完晏返嚟後，情況都沒有改善，不過亦比早上好一點，臨放工前還接了一個投訴。
放工後，跟左Kitty同D同事仔去左一撻叫荀崗嘅地方睇新年裝飾，佢哋又買被／利是封／擺設等，買完再喺附近街邊掃街返公司等埋碧祺放工一齊食飯。等埋碧祺哋後我哋去左小肥羊打邊爐，打完邊爐跟埋佢哋返屋企，咁就完成左第一天的工作了。
